Pakistan's Urdu Forum (IT Knowledge)

For IT education (education for all)


    ملی تھی زندگی ہم کو تو مرنا بھی ضروری تھا

    Share
    avatar
    kamrankhan143
    Super Moderator

    Posts : 271
    Join date : 2010-03-17
    Age : 32
    Location : Abu Dhabi

    ملی تھی زندگی ہم کو تو مرنا بھی ضروری تھا

    Post by kamrankhan143 on Mon Mar 22, 2010 10:52 am

    ملی تھی زندگی ہم کو تو مرنا بھی ضروری تھا
    ٹھہرنا بھی ضروری تھا، گزرنا بھی ضروری تھا

    لہو میرے بدن کا صرف اس میں ہو گیا تو کیا
    تیری تصویر میں یہ رنگ بھرنا بھی ضروری تھا

    مجھے تجھ تک رسائی کی کوئی تدبیر کرنا تھی
    بگڑنا بھی ضروری تھا، سنورنا بھی ضروری تھا

    اب اس پاداش میں چنتا رہوں گا کرچیاں اپنی
    سمٹنے کی تمنا میں بکھرنا بھی ضروری تھا

    سمندر کے تلاطم میں کٹی تھی زندگی اپنی
    کسی خاموش ساحل پر اترنا بھی ضروری تھا

    تعلق قطع کرنا بھی کچھ آساں تو نہ تھا لیکن
    یہ خواہش اس کی تھی، یہ کام کرنا بھی ضروری تھا

    مجھے لمبی مسافت کی تھکن تو دور کرنا تھی
    سفر باقی سہی لیکن ٹھہرنا بھی ضروری تھا

    دِیا بجھنے سے پہلے رات کی ہموار چادر پر
    کوئی نقشہ، کوئی منظر ابھرنا بھی ضروری تھا

    (نسیمِ سحر)

      Current date/time is Sat Dec 16, 2017 1:04 pm