Pakistan's Urdu Forum (IT Knowledge)

For IT education (education for all)


    جانِ جاں کچھ کہو

    Share
    avatar
    kamrankhan143
    Super Moderator

    Posts : 271
    Join date : 2010-03-17
    Age : 32
    Location : Abu Dhabi

    جانِ جاں کچھ کہو

    Post by kamrankhan143 on Thu Apr 15, 2010 11:39 am

    جانِ جاں کچھ کہو

    خامشی کی زباں سنتے سنتے مرے کان تھکنے لگے
    جانتا ہوں محبت میں اظہار کب کھوکھلے حرف و معنی کا محتاج ہے
    مانتا ہوں محبت وہ احساس ہے
    جس میں خاموشیاں بات کرنے لگیں
    نِت نئے خواب آنکھوں میں سجنے لگیں
    رُوح سننے لگے دھڑکنوں کی زباں
    پھر بھی اب جانِ جاں
    خامشی کی زباں سنتے سنتے مرے کان تھکنے لگے
    کچھ کہو
    شرمگیں مسکراہٹ میں لپٹی ہوئی ہجر کی داستاں
    وسوسوں میں گِھرا، آنسوؤں سے لکھا، دھڑکنوں کا بیاں
    اپنے جذبوں کو لفظوں کی پوشاک دو
    ٹوٹا پھوٹا سہی، اُلجھا اُلجھا سہی
    کوئی اظہار ہو
    کیونکہ اب جان جاں
    خامشی کی زباں سنتے سنتے مرے کان تھکنے لگے

      Current date/time is Mon May 21, 2018 8:04 pm