Pakistan's Urdu Forum (IT Knowledge)

For IT education (education for all)


    ہم پر تمہاری چاہ کا الزام ہی تو ہے

    Share
    avatar
    kamrankhan143
    Super Moderator

    Posts : 271
    Join date : 2010-03-17
    Age : 32
    Location : Abu Dhabi

    ہم پر تمہاری چاہ کا الزام ہی تو ہے

    Post by kamrankhan143 on Sat Apr 03, 2010 2:45 pm

    ہم پر تمہاری چاہ کا الزام ہی تو ہے
    دشنام تو نہیں ہے، یہ اکرام ہی تو ہے

    کرتے ہیں جس پہ طعن کوئی جرم تو نہیں
    شوقِ فضول و الفتِ ناکام ہی تو ہے

    دل مدّعی کے حرفِ ملامت سے شاد ہے
    اے جانِ جاں یہ حرف ترا نام ہی تو ہے

    دل ناامید تو نہیں، ناکام ہی تو ہے
    لبمی ہے غم کی شام مگر شام ہی تو ہے

    دستِ فلک میں گردشِ تقدیر تو نہیں
    دستِ فلک میں گردشِ ایّام ہی تو ہے

    آخر تو ایک روز کرے گی نظر وفا
    وہ یارِ خوش خصال سرِ بام ہی تو ہے

    بھیگی ہے رات فیض غزل ابتدا کرو
    وقتِ سرود، درد کا ہنگام ہی تو ہے

      Current date/time is Fri Oct 20, 2017 10:01 am